Հունիսի 8-ին ԿԶՆԱԿ հիմնադրամում Էռնեստ Ավանեսովը և Հովհաննես Գաբրիելյանը ներկայացրեցին ֆիզիկական կուլտուրա ուսումնական առարկայի չափորոշիչները և օրինակելի ծրագրերը։
Հունիսի 8-ին ԿԶՆԱԿ հիմնադրամում Էռնեստ Ավանեսովը և Հովհաննես Գաբրիելյանը ներկայացրեցին ֆիզիկական կուլտուրա ուսումնական առարկայի չափորոշիչները և օրինակելի ծրագրերը։
Առարկայի նոր օրինակելի ծրագիրը նախատեսում է ֆիզիկական կուլտուրայի ուսուցչի գործունեության ազատություն, որը ենթադրում է հաշվի առնել դպրոցականների մարզական ցանկությունները:
Հիմնական փոփոխությունները.
- Ժամաքանակի փոփոխություն և սպորտայնացված (ըստ դպրոցականների մարզական ընտրության) դասերի ներդրում:
- Ավագ դպրոցում կրեդիտային համակարգի ներդրում՝ սպորտդպրոցների և մարզական կառույցներ ունեցող այլ հաստատությունների հետ համագործակցություն:
- Ֆիզիկական կուլտուրայի ուսուցիչների ազատականացում. այսինքն, ուսուցիչները հնարավորություն կստանան ֆիզիկական կուլտուրայի դասերի շրջանակում կազմակերպել դպրոցականների մարզումները` հաշվի առնելով վերջիններիս մարզական ցանկությունները, ինչպես նաև դպրոցների հնարավորությունները՝ ապահովելով ծրագրով նախատեսված վերջնարդյունքները:
- Ըստ մակարդակների և դասարանների վերջնարդյունքների առկայությունը։
- Ֆիզիկական կուլտուրա ուսումնական առարկան ամփոփվում է ստուգարքով, որը ենթադրում է ֆիզիկական վարժություններով համալիրների նորմատիվների հանձնում:
- 8-րդ դասարանից սկսած առողջ ապրելակերպի դասընթացի համար տարեկան տրվող 14-ական ժամերը մնում են ֆիզիկական կուլտուրայի դասերին:
- Ընդհանրական, նոր ձևաչափով ծրագրի կառուցվածք՝ համապատասխան բաղադրիչներով:
Comments
Post a Comment